विघटनविरुद्ध काठमाडौं कांग्रेस
.jpg)
काठमाडौँ | नेपाली कांग्रेसको काठमाडौँ जिल्ला कार्य समितिले प्रतिनिधिसभा विघटनविरुद्ध विभिन्न मितिमा विरोध प्रदर्शन गर्ने भएको छ । बुधबार बसेको जिल्ला कार्यसमितिको बैठकले विघटनलाई असंवैधानिक कदम भन्दै त्यसको विरुद्धमा सडकमा थप कार्यक्रम लिएर उत्रने निर्णय गरेको काठमाडौं कांग्रेसका सभापति सबुज बानियाले जानकारी दिए ।
केन्द्रको निर्देशनअनुसार सशक्त विरोध प्रदर्शन गर्ने निर्णय गरेको जानकारी दिंदै उनले भने,‘ पुस २५ गते प्रदेशसभा निर्वाचन क्षेत्रमा, माघ ३ गते गाउँपालिका तथा नगरपालिकामा र माघ ८ गते वडास्तरमा विरोधका कार्यक्रम गरिने छ ।’ पुस २५ गते दिउँसो १ बजे काठमाडौँ जिल्लाका २० वटा प्रदेश निर्वाचन क्षेत्रमा एकै साथ विरोध प्रदर्शन गर्न कांग्रेसजनहरुलाई निर्देशन दिएको पनि उनले जानकारी दिए ।
कांङ्ग्रेसको केन्द्रीय समितिको बैठकले प्रधानमन्त्री खड्गप्रसाद शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गरेको प्रतिनिधि सभा विघटनको विरोधमा देशैभर प्रदर्शन गर्ने निर्णय गरेको अवस्थामा त्यसै निर्णयलाई आधार मानी उक्त निर्णयमा काठमाडौं कांग्रेस पुगेको हो ।
केन्द्रको निर्देशनअनुसार सशक्त विरोध प्रदर्शन गर्ने निर्णय गरेको जानकारी दिंदै उनले भने,‘ पुस २५ गते प्रदेशसभा निर्वाचन क्षेत्रमा, माघ ३ गते गाउँपालिका तथा नगरपालिकामा र माघ ८ गते वडास्तरमा विरोधका कार्यक्रम गरिने छ ।’ पुस २५ गते दिउँसो १ बजे काठमाडौँ जिल्लाका २० वटा प्रदेश निर्वाचन क्षेत्रमा एकै साथ विरोध प्रदर्शन गर्न कांग्रेसजनहरुलाई निर्देशन दिएको पनि उनले जानकारी दिए ।
कांङ्ग्रेसको केन्द्रीय समितिको बैठकले प्रधानमन्त्री खड्गप्रसाद शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गरेको प्रतिनिधि सभा विघटनको विरोधमा देशैभर प्रदर्शन गर्ने निर्णय गरेको अवस्थामा त्यसै निर्णयलाई आधार मानी उक्त निर्णयमा काठमाडौं कांग्रेस पुगेको हो ।