प्रहरीको प्रवक्तामा चन्द

काठमाडौं/ जिल्ला प्रहरी परिसर काठमाडौंको प्रवक्ताको जिम्मेवारी प्रहरी नायब उपरीक्षक (डीएसपी) पूर्णिमाकुमारी चन्दलाई दिइएको छ । परिसरका प्रमुख एसएसपी वसन्त रजौरेले बुधबार एक सूचना जारी गर्दै सो कुरा सार्वजनिक गरेका हुन् ।
यसअघि प्रवक्तामा नवराज अधिकारी रहेका थिए । उनको एसएसपीमा बढुवा भएर बुधबार नै दज्र्यानी चिन्ह लगाएकाले रिक्त स्थानमा चन्दलाई पूर्ति गरिएको हो । चन्द प्रहरी वृत्त स्वयम्भूमा काम गरेर केही समयअघि मात्रै परिसरमा सरुवा भएकी थिइन् ।