गौतम बुद्ध अवार्डको ग्राण्ड फिनाले सम्पन्न

काठमाडौँ/ गौतम बुद्ध म्युजिक एण्ड फिल्मस् अवार्ड–२०२४ को ग्राण्ड फिनाले शनिबार सम्पन्न भएको छ । ‘अग्रजलाई सम्मान नयाँलाई प्रोत्साहन, मौलिक गीत संगीतको संरक्षण हाम्रो अभियान’ भन्ने मूल नाराका साथ बि.एस.के.एक्टिभ नेपाल प्रोडक्सन प्रा.लि.ले सो फिनाले आयोजना गरेको थियो ।
प्रतिनिधिसभाका उपसभामुख इन्दिरा राना मगरले कार्यक्रमको उद्घाटन गरेकी थिइन् । यसैगरी विशिष्ट अतिथिको रुपमा पूर्व संस्कृति, पर्यटन तथा नागरिक उड्डयन राज्यमन्त्री परशुराम तामाङ सहभागी थिए । सर्वोत्कृष्ट पप गीतको अवार्ड गायक सरगम राईले जितेकी छिन् । त्यस्तै पप गीतबाटै सर्वोत्कृष्ट मोडल पुरुषतर्फ शिरेश थापा, महिलातर्फ सुशीला तामाङ, शब्द रचनातर्फ रोजन लामा र सर्वोत्कृष्ट निर्देशकमा लोकेन्द्र तामाङले अवार्ड प्राप्त गरे ।
त्यस्तै, लोक दोहोरीतर्फ सर्वोत्कृष्ट गायिकाको अवार्ड कमला थापा, सर्वोत्कृष्ट लोक दोहोरी (महिला) मोडलको अवार्ड रितु तामाङ र सर्वोत्कृष्ट लोक दोहोरी मोडल (महिला,पब्लिक च्वाइस) को अवार्ड नारायणीले जितेका छन् । यसैगरी सर्वोत्कृष्ट लोक दोहोरी गायकको अवार्ड रामहरि भण्डारीले हात पारे । गायक यमन खनालले सर्वोत्कृष्ट लोक दोहोरी गायक पब्लिक च्वाइसको अवार्ड प्राप्त गरे । सर्वोत्कृष्ट लोक दोहोरी कम्पोजरमा मदन नेपाली सुफिक्स, सर्वोत्कृष्ट लोक दोहोरी नव मोडलमा पुरुषतर्फ रामकुमार गजमेर, सर्वोत्कृष्ट देउडा गायकमा गोरबहादुर कार्की, सर्वोत्कृष्ट सालैजो गायिकामा पार्वती थापा र सर्वोत्कृष्ट सालैजो निर्देशकमा सीताराम रानाले अवार्ड प्राप्त गरे ।
त्यस्तै, चलचित्रतर्फ सर्वोत्कृष्ट निर्देशक (तामाङ चलचित्रबाट) को अवार्ड राज किङ वाइवा (सुकबहादुर तामाङ) ले जितेका छन् । सर्वोत्कृष्ट नायकको अवार्ड (तामाङ चलचित्रबाट) सोनाम तामाङ र सर्वोत्कृष्ट नवनायिकाको अवार्ड संगीता तितुङले जितेका छन् । तामाङ चलचित्रबाटै सर्वोत्कृष्ट छायांकारको अवार्ड सन्चु थोकर तामाङलाई र सर्वोत्कृष्ट सहनिर्देशकको अवार्ड रेशमकुमार श्याउली तामाङलाई प्रदान गरिएको छ ।
त्यसैगरी ङिमा घेल लामा शेर्पाले शेर्पा गीतमार्फत सर्वोत्कृष्ट गायकको अवार्ड जिते । सेलो गीततर्फ सर्वोत्कृष्ट महिला मोडलको विजेता मनिका सिन्ताना तामाङ, सर्वोत्कृष्ट महिला नव मोडल यमुना मगर, सर्वोत्कृष्ट पुरुष नव मोडल उपेन्द्र खड्का, सर्वोत्कृष्ट पुरुष मोडल अमृत तामाङ, सर्वोत्कृष्ट शब्दकार लिलि योन्जन, सर्वोत्कृष्ट गायक जोगलाल तामाङ, सर्वोत्कृष्ट गायिका विपना तामाङ र सर्वोत्कृष्ट गायक प्रकाश वाइवाले अवार्ड प्राप्त गरेका छन् ।
यस्तै, आधुनिक गीततर्फ प्रचण्डबाबु राईले सर्वोत्कृष्ट गायक, निता आचार्यले सर्वोत्कृष्ट गायिका, भीमबहादुर मगरले सर्वोत्कृष्ट गायक (नेपाली आइटम), प्रिति रिमालले सर्वोत्कृष्ट गायिका (पब्लिक च्वाइस) ,शंकर थापा स्माइलले सर्वोत्कृष्ट संगीतकार, कृष्ण क्षत्री (नेपाली मान्छे) ले सर्वोत्कृष्ट रचनाकार र गोविन्द सोनीले सर्वोत्कृष्ट ध्वनी मिश्रणको अवार्ड जितेका छन् ।
यसैगरी म्हेन्दोमाया गीततर्फ रमेश गोम्जाले सर्वोत्कृष्ट गायकको अवार्ड जित्दा रिचा ब्लोनले सर्वोत्कृष्ट गायिकाको अवार्ड प्राप्त गरे । सर्वोत्कृष्ट नव गायिकामा सन्जु लामा, सर्वोत्कृष्ट मोडल महिलामा ममता तामाङ, सर्वोत्कृष्ट मोडल महिला (पब्लिक च्वाइस) मा सुनिता तामाङ, सर्वोत्कृष्ट महिला मोडल (जुरी अवार्ड) ननिता तामाङ, सर्वोत्कृष्ट नव गायिका (जुरी अवार्ड) मा मीना तामाङले अवार्ड हात पारे । यसैगरी सर्वोत्कृष्ट पुरुष मोडलमा दुर ब्रेब गुरुङ, सर्वोत्कृष्ट निर्देशकमा एम.बी. गुरुङ र सर्वोत्कृष्ट नवगायकमा सूर्य लामाले अवार्ड जितेका छन् ।
कार्यक्रममा गीत संगीत र चलचित्रमा योगदान पु¥याएका विभिन्न विधाका अग्रज कलाकारहरुलाई सम्मान गर्दै सम्मानपत्र वितरण गरिएको थियो । सम्मानित हुनेहरुमा लोकप्रिय गायक तथा संगीतकार यम बराल, रोहित अधिकारी, मर्नेन तामाङ, म्हेन्दोमाया गायक आरम्भ तामाङ, काले तामाङ, गायक उत्सव सुब्बा लामा, माधव भण्डारी, गोपाल दयाल, गायिका रमला पाख्रिन तामाङ, विशाल योन्जन तामाङ लगायत थिए ।