काठमाडौं/भुटानका राजा जिग्मे खेसार नाम्ग्याल वाङचुक आज शुक्रबार काठमाडौं आउने कार्यक्रम रहेको छ । राजा वाङचुक आज बिहान काठमाडौंको त्रिभुवन अन्तर्राष्ट्रिय विमानस्थलमा ओर्लिने तथा काठमाडौंमा केही घन्टा बिताएर फर्कने समाचार स्रोतले बताएको छ ।
विहीबारदेखि भारतको औपचारिक भ्रमणमा रहनु भएका राजा वाङचुक भारत भ्रमण सकेपछि स्वदेश फर्कने क्रममा काठमाडौंमा केही घन्टा रोकिने स्रोतको भनाइ छ । त्यसको लागि काठमाडौंमा आवश्यक सुरक्षा तयारी अघि बढाइएको छ । सुरक्षाका लागि नेपाली सेनाले अभ्यास समेत गरेको छ । भुटानका राजाले काठमाडौंमा रहँदा कसैलाई भेट्ने वा नभेट्ने भन्ने नखुले पनि स्वयम्भू र बौद्धनाथको दर्शन भने गर्ने अनुमान समाचार स्रोतले गरेको छ ।
Facebook Comments Box
