बेलायतमा मार्टीनसँग कोइराला

लण्डन/ बेलायत भ्रमणमा रहेका नेपाली कांग्रेसका वरिष्ठ नेता डा. शेखर कोइराला यहाँ महत्वपूर्ण भेटघाटमा व्यस्त देखिएका छन् । उनले तात्कालीन अनमिनका नेपाल प्रमुख इयान मार्टीनसँग बुधबार भेट गरेको कोइरालाको सचिवालयले जनाएको छ ।
मार्टीनले नेपालको शान्ति प्रक्रियामा महत्वपूर्ण भूमिका खेलेका थिए । भेटघाटमा मार्टीनले अहिले पनि नेपालको शान्ति प्रक्रिया नटुङ्गिएकोमा चासो राखेका बताइएको छ । उनले जतिसक्दो चाँडो यसलाई टुङ्गयाउन सुझाव दिएको पनि कोइरालाको सचिवालयले जनाएको छ ।
मार्टीनले शान्ति प्रक्रिया जस्तो विषयलाई टुंगोमा पु¥याई हाल्नु उपयुक्त हुने सुझाव दिएका थिए । उनले तात्कालीन समयमा विद्रोहमा रहेको दल समेत निर्वाचन प्रक्रियामा प्रवेश गरिसकेको र अहिले नेपालमा कुनै पनि हिंसा नरहेको कुरालाई उठाउँदै संक्रमणकालीन न्यायलाई टुङ्गयाउनु पर्नेमा मार्टीनले जोड दिएका छन् ।
यसैगरी कोइरालाले संसद् भवन (हाउस अफ कमन्स) मा कन्जरभेटिभ पार्टीका नेता एवं बेलायतका पूर्व विदेशमन्त्री जेम्स क्लेभर्लीसँग भेटवार्ता पनि गरेका छन् । नेपाल–बेलायतको सम्बन्ध, आपसी सहयोग जस्ता विषयमा उनीहरुका बीचमा कुराकानी भएको जनाइएको छ । सो अवसरमा कोइरालाले भने नेपालमा बेलायती सहयोगमार्फत बनेका आयोजनामा थप सहयोगको अपेक्षा गरेको बताएका थिए ।