काठमाडौं/ लोकतान्त्रिक विद्यार्थी संघले परिपत्र जारी गरेको छ । स्वतन्त्र विद्यार्थी युनियनको आसन्न निर्वाचनलाई मध्यनजर गर्दै तयारीमा जुट्न संघले परिपत्र जारी गरेको हो ।
लोविसंघ लोकतान्त्रिक समाजवादी पार्टी नेपाल निकटको विद्यार्थी संघ हो । संघका केन्द्रीय महासचिव सुमन कुमार यादवले परिपत्र जारी गर्दै स्ववियु निर्वाचनकेन्द्रित सक्रिय गतिविधि, कमिटी गठन÷पुनर्गठन गर्न निर्देशन दिएका छन् । उनले सम्भावित उम्मेदवारको सूचीसहित सम्पूर्ण विवरण १५ दिनभित्र केन्द्रीय कार्यालयमा पठाउन भनी मंगलबार परिपत्र पठाएका हुन् । परिपत्रमा सम्पूर्ण प्रदेश, जिल्ला, नगर क्याम्पस इकाई कार्यसमितिहरुलाई निर्देशन दिइएको छ । निर्वाचनलाई मध्यनजर गर्दै क्याम्पस इकाईसँग समन्वयन गरी स्ववियु निर्वाचन केन्द्रित हुन परिपत्रमा आग्रह गरिएको छ ।
त्रिभुवन विश्वविद्यालय विद्यार्थी कल्याण तथा खेलकुद परिषदले आगामी चैत ५ गते स्वतन्त्र विद्यार्थी युनियनको निर्वाचन सम्पन्न गर्ने प्रस्ताव गरेको छ ।
स्ववियुको निर्वाचनमा लोविसंघको परिपत्र
Facebook Comments Box
